 |
| Orang yang Angngaru Sumber: applam.com |
Bismillahirrahmanirrahim
Atta..... Karaeng
Tabe' Kipammopporang Mama'
Ri Dallekang Labbiritta
Ri Sa'ri Karantuanta
Ri Empoang Matinggita
I Nakkemi Anne Karaeng
Lambara Tatassa'la'na Gowa
Na Kareppekangi Sallang, Karaeng
Pangngulu ri Barugaya
Nakatepokangi Sallang Karaeng
Pasorang Attangnga Parang
Inai-naimo Sallang Karaeng
Ta Mappatojengi Tojenga
Ta Mappiadaki Adaka
Kusalagai Sirinna
Kuisara Paranglakkenna
Berangja Kunipatebba
Pangkulu Kunisoeyang
Ikau Anging Karaeng
Naikambe Leko Kayu
Mirkko Anging
Namarunang Leko Kayu
Iyasani Madidiyaji Nurunang
Ikau je'ne Karaeng
Naikambe Batang Mamayu
Solongko Je'ne
Namammayu Batang Kayu
Iyasani Sompo Bonangpi Kiayu
Ikau Jarung Karaeng
Naikambe Bannang Panjai
Ta'leko Jarung
Namamminawang Bannang Panjai
Iya Sani Lambusupi Nakuntu Tojeng
Makkanamamaki Karaeng
Naikambe Mappajari
Manynyabbu Mamaki Mae Karaeng
Naikambe Mappa'rupa
Punna Sallang Takammaya
Aruku ri Dallekanta
Pangkai Jerakku
Tinra' Bate Onjokku
Pauwang Anak ri Boko
Pasang Ana' Tanjari
Tumakkanaya' Karaeng
Natanarupai Janjinna
Sikammajinne Aruku Ri Dallekanta
Dasi na Dasi Nana Tarima Pangngaruku
No comments:
Post a Comment